Programa especial realizado na Radio Municipal da Guarda:::

Este é o video que contén o programa que realizamos na xornada de onte na Radio Municipal da Guarda (107.8fm) Agardamos que vos guste.

Escoita o programa de radio que fixemos na Radio Municipal da Guarda:::

Podes escoitalo o xoves 10 ás 19.30 na Radio Municipal da Guarda.
Para sintonizala entra no 107.8fm ou en internet, no blog da radio
De momento podes ver este pequeno video con fotografías, aí estamos nós en acción!

Hoxe gravación do programa de radio no proxecto "A Arte da Argumentación":::

 

Tal e como tiñamos previsto, hoxe a caravana da "Arte da Argumentación" parte de novo para a Radio Municipal da Guarda co obxectivo de gravar un programiña sobre a Educación, vamos que imos falar de nós memsos, contaremos como vivimos na Sangriña o noso día a día e opinaremos sobre aspectos relativos ao centro e á sociedade. Á volta xa vos contaremos como foi a experiencia...

"A Arte da Argumentación" prepara un programa de radio:::

Na tarde onte desenvolveuse na biblioteca do IES A Sangriña un obradoiro de argumentación para preparar o programa de radio previsto para gravar o vindeiro mércores nas intalacións da Radio Municipal da Guarda.

A temática que centrará o noso proxecto é; "A EDUCACIÓN HOXE". Lanzamos unha serie de preguntas sobre as que reflexionaremos:

A estrutura do sistema educativo actual

-Imos ao instituto para aprender ou para aprobar?
-Quen educa, os pais ou a escola?
-Utilizamos axeitadamente os recursos que temos? (ex. Novas tecnoloxías)
-Teñen os institutos que procurar unha educación integral do alumnado ou só impartir certos coñecementos?

-Son necesarias as normas nas casas e nos institutos? 

Os “RECORTES” que veñen ao IES A Sangriña

• Que implica reducir o cadro do profesorado: máis alumnado por aula, que non se cubran as baixas axeitadamente,
• Isto vai modificar as posibilidades de escoller materias e itinerarios, cal é a forma máis axeitada?

Esta semana SESIÓN FORMATIVA no programa "A Arte da Argumentación"

  Será na biblioteca do centro o xoves día 3 en horario de tarde (16.30-18.00) Durante o transcurso da mesma aprenderanse aspectos básicos sobre a argumentación e deseñarase un programa de radio que se ha gravar a vindeira semana na Radio Municipal da Guarda.

PROGRAMA:::

Xoves 3 de MAIO

16.30h-18.00h Sesión formativa “A ARTE DA ARGUMENTACIÓN” [biblioteca do IES A Sangriña]

Manuel Rosende e Beatriz Tourón (profesores da área lingüística do IES A Sangriña)

Actividade dirixida a crear un programa radiofónico onde aprender aspectos sobre a arte da argumentación para facer a seguinte saída práctica á radio municipal.

Mércores 9 de MAIO

17.00h-18.30h CREACIÓN DUN PROGRAMA RADIOFÓNICO [estudios da Radio Municipal da Guarda – Saída e regreso desde o IES A Sangriña]

Manuel Rosende (Coordinador do proxecto)

Visita á Radio Municipal da Guarda para a realización dun programa radiofónico en base á arte de argumentar.

Xoves 31 de maio

16.30h- 18.00h charla “ARGUMENTACIÓN E MERCADOTECNIA NOS MEDIOS DE COMUNICACIÓN DE MASAS” [biblioteca do IES A Sangriña]

Beli Martínez Martínez (Universidade de Vigo) profesora de “Guión, produción. e realización de programas ficción” e “Teoría e técnica do documental”

Charla para coñecer como funciona a mercadotecnia no ámbito audiovisual, técnicas de argumentación para a promoción comercial. A argumentación ao servizo da economía.

Visita da "arte da argumentación" á RADIO MUNICIPAL DA GUARDA:::

Tal e como estaba previsto, "a arte da argumentación" achegouse esta tarde ás intalacións da Radio Municipal da Guarda para coñecer de primeira man o seu funcionamento, alí recibiunos Guille Pérez e Victor Lomba e explicáronnos todos os detalles de como se coce esta emisora.
Tivemos oportunidade de escoitar un anaco do seu programa "o microondas". Dentro de dúas semanas participaremos novamente na radio, desta volta coa elaboración dun programa sobre a argumentación.

Se queredes escoitar a Radio Municipal da Guarda sintonizade o 107.8fm ou entrade nesta páxina e dádelle ao play, pois emiten vía internet para todo o planeta.

HOXE o IES A SANGRIÑA visita a RADIO MUNICIPAL DA GUARDA:::

Hoxe, ás 17.00h e ata as 18.30h o grupo de "a arte da arugumentación" do noso centro realizará unha visita didáctica á RADIO MUNICIPAL DA GUARDA. Os estudios da mesma atópanse no Centro Cultural da vila, na mesma Avda de Portugal na que está o centro. Alí recibirános  Guille Pérez Lomba que é o responsable da radio local. O obxectivo desta saída é coñecer o funcionamento da radio municipal e participar nunha gravación. Esta experiencia servirá para prepararse de cara á participación nun programa dentro de dúas semanas.


A sesión da semana anterior serviu para introducirse no mundo dos  medios de comunicación e coñecer de primeira man unha web informativa local, INFOMIÑO.
Nas próximas sesións haberá unha xornada para a formación na Arte da Argumentación e así preparar a participación novamente nun programa na radio municipal e tamén está prevista a visita de Beli Martínez quen falará do mundo da publicidade e da ligación da argumentación cos produtos a vender nos medios.

O grupo de 4º ESO investiga na Universidade de Vigo

O alumnado de 4º ESO participante no proxecto “MAR DE COÑECEMENTO” desenvolveu unha xornada de traballo no laboratorio de sedimentoloxía do Profesor Dr. Miguel Nombela da Facultade de Ciencias do Mar e Bioloxía. O proxecto, froito da colaboración do IES A Sangriña co Campus do Mar, desenvólvese dentro dos contratos programa.

Os alumnos e alumnas afondaron na caracterización dos sedimentos das praias de Lamiña, Puntal-Muíño e Area Grande. Os estudos realizados centráronse en tres actividades:

            1.- Análise granulométrico mediante peneirado por vía seca

            2.- Calcimetría mediante valoración gasométrica

            3.- Determinación dos constituintes dos sedimentos mediante estimación visual á lupa binocular.